Beactive | BeActive dagurinn 7. september 2019
960
post-template-default,single,single-post,postid-960,single-format-standard,qode-social-login-1.0,qode-restaurant-1.0,ajax_fade,page_not_loaded,,select-theme-ver-4.1,wpb-js-composer js-comp-ver-5.5.2,vc_responsive

BeActive dagurinn 7. september 2019

BeActive dagurinn fór fram í Laugardalnum 7. september sl. í tilefni af Íþróttaviku Evrópu sem fer fram 23. – 30. september. Það var mikið um að vera í Laugardalnum en gestir og gangandi fengu að prófa hinar ýmsu íþróttagreinar og hreyfingu svo sem Qigong, parkour, aquazumba, frjálsar íþróttir, frisbiegolf, rathlaup, krikket, zumba, götuhokkí, sundknattleikur, ruðningur og handstöðu-og movement kennsla. Coca-Cola European Partners Ísland ehf gaf Topp, leikhópurinn Lotta skemmti yngstu kynslóðinni og Húlladúllan kenndi ungum og öldnum að húlla.
Markmiðið Íþróttaviku Evrópu er að kynna íþróttir og almenna hreyfingu um alla Evrópu og sporna við auknu hreyfingarleysi meðal almennings. Íþrótta- og Ólympíusamband Íslands sér um að halda utan um verkefnið hérlendis og er þetta í annað skipti sem sérstakur BeActive dagur er haldinn hátíðlegur. Þessi skemmtilegi dagur er svo sannarlega kominn til að vera. Vefsíða verkefnisins er www.beactive.is og Facebook síðuna má finna hér.
Myndir frá deginum má finna hér