Dagana 23.-30. september stendur yfir Íþróttavika Evrópu (European Week of Sport), árlegt hvatningarverkefni sem miðar að því að efla hreyfingu og heilbrigðan lífsstíl meðal fólks á öllum aldri. Borgarbyggð tekur þátt í verkefninu í samstarfi við UMSB og fjölmargir viðburðir verða í boði vikuna.
Í vikunni gefst íbúum kostur á að kynna sér fjölbreytta hreyfingu og íþróttastarf í sveitarfélaginu.

Allir geta fundið eitthvað við sitt hæfi og þátttaka er öllum opin.

Dagskrá vikunnar er meðal annars:

• Frítt í opna tíma í íþróttamiðstöðinni
• Opnar æfingar hjá barna- og ungmennastarfi aðildarfélaga UMSB
• Vinavika hjá Metabolic
• Frí Gusa hjá Völvusaunagusu fyrir 60+
• Göngufótbolti
• Virkniþing Borgarbyggðar – Kynningar á fjölbreyttri hreyfingu og íþróttastarfi í héraðinu

Við hvetjum alla til að nýta tækifærið, mæta á viðburði vikunnar, prófa nýja hreyfingu og njóta þess að vera virk í góðum félagsskap.

Allir viðburðir vikunnar eru auglýstir á Facebook-síðu Íþróttamiðstöðvarinnar í Borgarbyggð

Taktu þátt í Íþróttaviku Evrópu og finndu þína hreyfingu!