Götuganga Akureyrar var haldin í fjórða sinn sunnudaginn 13. september. Í skínandi veðri gengu um 40 manns 4,7 km meðfram Pollinum.

Héðinn Svarfdal bauð alla velkomna, Unnar Vilhjálmsson stjórnaði skemmtilegri upphitun og bæjarstóri Akureyrar, Berglind Ósk Guðmundsdóttir, ræsti keppendur. Afar og ömmur voru hvött til að taka barnabörnin með sér í gönguna svo úr varð skemmtileg blanda af fjölskyldum og stökum þátttakendum á öllum aldri, frá þriggja ára til áttatíu ára.

• Karl Guðmundsson kom fyrstur gangandi í mark, hann var 38 mínútur og 33 sekúndur á leiðinni.
• Önnur úrslit má finna hér

Allir þátttakendur fengu endurskinsmerki frá samfélagslögreglunni sem mætti á staðinn ásamt hressingu frá MS og CCEP að göngu lokinni. Auk þessa fengu nokkrir þátttakendur útdráttarvinninga frá Sundlaug Akureyrar, Samherja, Kjarnafæði eða Sportver, kunnum við þeim bestu þakkir fyrir stuðninginn.

Sjálfboðaliðar frá Ungmennafélagi Akureyrar stóðu vaktina við afhendingu keppnisgagna, tímamælingar og við að vísa þátttakendum leiðina, með brosi á vör. Undanfari vísaði leiðina á hjóli, eftirfari gætti þess að enginn yrði skilinn eftir. Brautarverðir gættu þess að göngufólk færi rétta leið og að snúið væri við á réttum stað. 

Akureyrarbær - Virk efri ár og Heilsueflandi Samfélag og Ungmennafélag Akureyrar stóðu að viðburðinum, með góðum styrk frá ÍSÍ #BEACTIVE

Hér má sjá fréttina af heimasíðu UFA