Frá kl 12-14 þann 26. september í frístundagarðinum Gufunesi í tilefni Íþróttaviku Evrópu!

Petanque Reykjavík verður með kynningu þar sem gestum gefst kostur á að prófa að kasta kúlum eftir ákveðnum reglum og reyna þannig á leikni og nákvæmi.

Frisbígolffélag Reykjavíkur verður með kynningu á frisbígolfi og verður gestum boðið að prófa þessa kastíþrótt.

Rathlaupafélagið Hekla setur upp braut þar sem fólki gefst kostur á að prófa skemmtilega útivist þar sem notast er við kort til að finna ákveðna staði á sem fljótlegastan hátt.

Hjólafélag Reykjavíkur verður með hjólafjör þar sem ungir sem aldnir reyna á hjólhesta sína.

Dr. Bæk verður með ástandsskoðun á hjólhestum gesta og vottar heilsu þeirra.

Íþrótta- og Ólympíusamband Íslands (ÍSÍ) hefur undanfarin ár hlotið styrk í gegnum Erasmus+ styrkjakerfi Evrópusambandsins (European Commission) vegna Íþróttaviku Evrópu.

Íþróttavika Evrópu (European Week of Sport) er haldin ár hvert dagana 23.–30. september í yfir 40 Evrópulöndum. Markmið verkefnisins er að kynna íþróttir og almenna hreyfingu og sporna gegn auknu hreyfingarleysi meðal almennings. Íþróttavikan er ætluð öllum, óháð aldri, bakgrunni eða líkamlegu ástandi. Lögð er sérstök áhersla á að virkja grasrótina og hvetja fólk til að hreyfa sig meira í daglegu lífi. Evrópubúar sameinast undir slagorðinu #BeActive